Rátnu nuppástuvvá
Ránut leat nuppástuvvan áiggi mielde, dange dihte go dál atnet ránuid iežáládje go ovdal. Atnubierggas lea šaddan čikŋan. Sihke sturrodat, hearvvat ja ivnnit leat nuppástuvvan.
Ránu sturrodat lea leamaš
dárbbu ja anu mielde. Ránut mat adnojedje gávdnin ja erenoamážit loavddan, ledje
stuorit, gitta 150-160 govddu ja 250 cm guhku. Muhto eai šat dárbbašan stuorimus
ránuid, ja unnit ránut ledje hálbbibut ja danne álkibut johte. Gođđigohte unnit
ránuid 1960-logus. Stuorimus ránuid dábálaš sturrodat lea 140 x 200 cm. Gođđet
ránuid maiddái beallerátnun (100 x 140 cm) ja unnaránožin (60 x 100
cm).
E-mail this
Print this