Ivnnit

Árbevirolaš ránus lea vilges bállu. Gávdnojit gal boares ránut ránes bálluinge, muhto hárve. Sivva sáhttá leahtit ahte ovdal gárre gait ulluid gieđain. Fertejedje seaguhit čáhppes ja vilges ulluid vai ožžot ránes ulluid. Váttis lei oažžut justa seammá ránes ivnni olles rátnui, jus ii lean hui čeahppi gárrat. Ullut mannet 5-6 kg stuora rátnui. Easkka 1950-logus álge gođđit čáhppes bállu. Dán áigge gođđet stuora ja unna ránuid sihke vilges, čáhppes ja ránes bálluin.

Árbevirolaš dáidni lea gođđojuvvon čáhppes ja ránes láiggin, dahje maiddái ivdneláiggiin. Lea váttis diehtit goas álge atnit ivdneláiggi. Knud Leem lea vuosttimus muitalit dárkilit rátnogođđima birra (1767). Son muitala ahte su áiggi ledje muhtun ránut gođđojuvvon seakka láiggiin, ja dain ledje ivdnestábit čielga rukses ja fiskes ivnnit.

 

1800-logus lei dábálaš atnit ivdneláiggi dáinniide. Badjeolbmot hálidedje ránuid čáppa ivnniiguin, hearvaránuid, millosepmosit ránuid mas lei českes bállu ja čáhppes ja rukses stábit. Soađi maŋŋil, go badjeolbmot eai šat oastán ránuid, de gođđe dušše vilges, čáhppes ja ránes láiggiin.

Tell a friend
Send to e-mail:
From e-mail:
Comment:
Code