Olmmáivákki Duodjesearvi

Grenebua-gávppis Olmmáivákkis Gáivuonas sáhtát oastit čáppa mearrasámi dujiid maid báikki duojárat leat ráhkadan. Duojáriidda duodji lea dehálaš lassedienas. Searvi buvttada buriid ođđaáigásaš gálvvuid main mii gáibidit sihke kvalitehta ja dárkilvuođa. Báikki ávdnasiid, duddjonvugiid, málliid ja hearvvaid vuođul mii dađistaga ovddidit ođđa gálvvuid. 

Rátnu ja rátnogođđin lea erenoamáš kulturárvu maid searvi hálida suodjalit. Olmmáivákkis lea dát  boarráseamos gođđinvuohki jahkečuđiid seilon bisokeahtes árbevierrun otná rádjái .

 

Bonkosfáhcat ja gođđosat olmmáivákkigirjjiiguin leat bivnnuhis gálvvut maidda searvi lea atnán árvvus. Grenebuas vuovdit maid čiŋaid, beavdeliinniid, gohpuid, lihtiid jnv. iežá buvttadedjiid ovddas.

Olmmáivákki Duodjesearvi hálida váldit vára árbevieruid, kultuvrra ja identitehta go kurssaid bokte oahpaha duoji gaikkaide geat beroštit. Erenoamáš dehálaš lea ođđa buolvvaide addit ilu sihke ieš duddjot ja maid atnit gálvvuid main leat ruohttasat báikkálaš árbevieruin.